Лионель Месси: Аргентина – әлемдегі ең үздік құрама
Аргентина құрамасының капитаны Лионель Месси 2026 жылғы әлем чемпионатының жартылай финалында Англияны 2:1 есебімен жеңгеннен кейін командаға қатысты айтылып жүрген сын-пікірлерге жауап берді, деп хабарлайды malimsports.kz.
Оның сөзінше, Аргентина құрамасының соңғы жылдардағы нәтижелері кездейсоқ емес, жүйелі еңбектің жемісі.
Жеткен жетістіктерімізге күмән келтіру – орынсыз. Біз қатарынан бесінші ірі турнирдің финалына және әлем чемпионатының қатарынан екінші финалына шықтық. Мұның өзі біздің деңгейімізді дәлелдейді. Соңғы жылдары біз әлемдегі ең үздік құрама болдық. Кейбіреулер не айтса да, бізге ешкім ештеңе сыйлаған жоқ. Барлық жетістігімізге футбол алаңында өз еңбегімізбен жеттік, – деді Месси.
Соңғы күндері әлеуметтік желілер мен бірқатар шетелдік БАҚ-та Аргентина құрамасына төрешілер тарапынан ерекше қолдау көрсетіліп жатыр деген пікірлер жиі айтылған болатын. Алайда Месси мұндай сөздермен келіспейтінін жеткізді.
Енді Аргентина құрамасы 19 шілдеде өтетін әлем чемпионатының финалында Испаниямен кездеседі. Егер оңтүстікамерикалықтар жеңіске жетсе, олар қатарынан екі рет әлем чемпионы атанған алғашқы құрама болады.
Айта кетейік, әлем чемпионатында қатарынан екі рет топ жарған соңғы команда – Бразилия. Пеле бастаған бразилиялықтар 1958 және 1962 жылдардағы мундиальдарда чемпион атанған.
Фото: Getty Images
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
