Шавкат Рахмоновтың UFC-дегі болашағына қатысты күмән айтылды

Танымал Heavy.com басылымы Қазақстандық жеңілмеген спортшы Шавкат Рахмоновтың UFC-дегі жартылай орта салмақтағы болашағына назар аударды, деп жазады malimsports.kz. 

Басылым «Номадтың» ауыр жарақаттан кейін ұзақ үзілістен соң октагонға оралу перспективасына күмән келтірген

«ММА-дегі мінсіз 19-0 рекордын, соның ішінде UFC-дегі жеті жекпе-жектің жетеуінде жеңіске жеткенін ескерсек, Рахмонов промоушендегі “егер...” деген сұрақтың басты кейіпкерлерінің бірі саналады. Оның чемпион атануға қажетті барлық қасиеті бар. Алайда жарақаттары оның әлеуетін толық жүзеге асыруына кедергі келтіруі мүмкін. Рахмонов тұрақты түрде жекпе-жек өткізіп жүрген кезде әлемдегі үздік файтерлердің бірі саналды. Ол чемпиондық белбеу үшін Мухаммадпен кездескен жағдайда фаворит болар еді. Алайда екі жылға жуық уақыт бойы жекпе-жек өткізбеген кезеңде жартылай орта салмақтағы басқа спортшылар рейтингтік иерархияда одан озып кетті. Олардың қатарында қазіргі чемпион Ислам Махачев, сондай-ақ басты үміткерлер Майкл Моралес пен Карлос Пратес бар. Рахмоновтың толықтай сауығып, октагонға оралатынына үміттенеміз. Дегенмен оның алған жарақаттарының ауырлығын ескерсек, бұған ешқандай кепілдік жоқ», - деп жазды басылым.

Айта кетейік, Шавкат Рахмонов соңғы жекпе-жегін 2024 жылдың желтоқсанында өткізіп, Иэн Гэрриді төрешілердің бірауыздан шешімімен жеңген болатын.

Фото: Ашық дереккөзден