Килиан Мбаппе әлем чемпионаты тарихында тұңғыш рет екі дүркін үздік сұрмерген атанды
Франция құрамасының шабуылшысы Килиан Мбаппе 2026 жылғы футболдан әлем чемпионатының үздік сұрмергені атанып, ФИФА тағайындайтын «Алтын бутса» жүлдесін жеңіп алды, деп хабарлайды malimsports.kz.
27 жастағы футболшы турнир барысында 8 матчта 10 гол соғып, 4 нәтижелі пас берді. Осылайша, ол 2022 және 2026 жылғы әлем чемпионаттарында қатарынан үздік сұрмерген атанған тарихтағы алғашқы ойыншы болды.
Еске салсақ, 2022 жылы Қатарда өткен мундиальда Мбаппе 8 голмен турнирдің ең үздік мергені атанған еді.
2026 жылғы әлем чемпионатында «Күміс бутса» Аргентина капитаны Лионель Мессиге (8 гол), ал «Қола бутса» Англияның Джуд Беллингемі мен норвегиялық Эрлинг Холандқа (әрқайсысы 7 гол) бұйырды.
Сондай-ақ Мбаппе әлем чемпионаттары тарихындағы ең үздік сұрмергендер тізімінде де жаңа рекорд орнатты. Оның еншісінде қазір 22 матчта 22 гол бар. Осы көрсеткішпен ол 21 голы бар Лионель Мессиден озып, мундиаль тарихындағы ең нәтижелі футболшы атанды.
Бұған дейін бір әлем чемпионатында 10 немесе одан да көп гол соққан небәрі үш ойыншы болған:
Шандор Кочиш (Венгрия) – 11 гол (1954);
Жюст Фонтен (Франция) – 13 гол (1958);
Герд Мюллер (ГФР) – 10 гол (1970).
Айта кетейік, Франция құрамасы үшінші орын үшін өткен кездесуде Англиядан 4:6 есебімен жеңіліп қалды. Ал 2026 жылғы әлем чемпионы атанған Испания құрамасы финалда Аргентинаны қосымша уақытта 1:0 есебімен жеңді.
Фото: Getty Images
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
