Иран футбол федерациясы ФИФА-ға шектеулерге байланысты шағымданатынын мәлімдеді
Иран футбол федерациясы (FFIRI) 2026 жылғы әлем чемпионаты кезінде ұлттық құрамаға қойылып отырған ұйымдастырушылық шектеулерге байланысты ФИФА-ға ресми шағым жолдайтынын мәлімдеді, деп хабарлайды malimsports.kz.
Бұл туралы The Telegraph тілшісі Джеймс Дакер жазды.
Федерацияның наразылығын тудырған негізгі мәселе – Иран құрамасының АҚШ аумағына тек Бельгияға қарсы матчтан бір күн бұрын ғана кіре алуы. Аталған кездесу 21 маусым күні өтеді. Бұл жағдай команданың толыққанды дайындық жүргізуіне кедергі келтіруі мүмкін екені айтылуда.
FFIRI өкілдерінің пікірінше, мұндай логистикалық және визалық шектеулер барлық қатысушы командалар үшін тең жағдай қағидатына сай келмейді және спорттық әділеттілікке әсер етеді.
Бұған дейін де Иран құрамасы ұйымдастыру мәселелеріне тап болған. Жаңа Зеландиямен өткен алғашқы ойында (2:2) кейін команда жоспар бойынша АҚШ-та бір күн демалмай, бірден Мексиканың Тихуана қаласындағы жаттығу базасына аттанған. Бұл бапкерлер штабының бастапқы жоспарымен сәйкес келмеген, себебі ойыншыларға қалпына келу үшін қосымша уақыт қажет болған.
Сондай-ақ федерация делегация мүшелеріне виза беруге қатысты да қиындықтар болғанын айтады. Бірқатар қызметкерлер АҚШ-қа кіре алмай, тек кейінірек рұқсат алған.
Иран құрамасының бас бапкері Амир Галенои бұл жағдайды ауыр қабылдап, команданы әлем чемпионаты барысында ең күрделі логистикалық жағдайға тап болған ұжымдардың бірі деп сипаттады.
Қазіргі таңда FFIRI бұл мәселелерді ФИФА деңгейінде қарастырып, ресми түсініктеме мен тең жағдай талап етуді көздеп отыр.
Фото: Dean Mouhtaropoulos / Getty Images
Қазақстан құрамасының бас бапкері Талғат Байсуфиновтың жалақысы белгілі болды
Ең көп оқылған
