АҚШ-тың Калифорния штатындағы Сан-Хосе қаласында орналасқан футболдан 2026 жылғы әлем чемпионатының жанкүйерлер аймағында (фан-аймақ) болған атыс салдарынан бір адам қаза тауып, тағы бір адам ауыр жарақатпен ауруханаға жеткізілді, деп хабарлайды malimsports.kz.
Жергілікті полицияның мәліметінше, оқиға Сан-Педро алаңындағы фан-аймақта болған. Оқиғадан кейін қауіпсіздік мақсатында маңайдағы көшелер уақытша жабылды.
Reuters агенттігінің хабарлауынша, атыс болған сәтте фан-аймақта әлем чемпионаты матчтарының тікелей көрсетілімі жүргізілмеген. Сол күнгі жалғыз ойын жергілікті уақыт бойынша сағат 14:00-де аяқталған.
Сан-Франциско шығанағы аймағындағы келесі әлем чемпионаты матчы 2 шілдеде Санта-Клара қаласында өтеді. Онда АҚШ пен Босния және Герцеговина құрамалары 1/8 финал жолдамасын сарапқа салады.
Қазіргі уақытта полиция оқиғаның мән-жайын анықтап, тергеу жұмыстарын жалғастырып жатыр.
Фото: Getty Images
