2026 жылғы футболдан әлем чемпионатында ширек финалға шыққан алғашқы құрама белгілі болды. Марокко 1/8 финалда турнир қожайындарының бірі Канаданы 3:0 есебімен жеңді, деп хабарлайды malimsports.kz.
Кездесудің алғашқы таймында марокколық футболшылар белсенді ойнағанымен, есеп ашылған жоқ.
Екінші таймда Марокко ойын тізгінін толық өз қолына алды. 58-минутта Аззедин Унаи есеп ашса, 82-минутта дубль жасап, командасының басымдығын арттырды. Ал 90+8-минутта Суфьян Рахими матчтың қорытынды есебін белгіледі.
Осылайша, Марокко Канададан сенімді түрде басым түсіп, ширек финалға жолдама алған алғашқы команда атанды.
Фото: Getty Images
