ӘЧ-2026: бүгін Португалия мен Испания, АҚШ пен Бельгия ширек финал жолдамасын сарапқа салады
Бүгін АҚШ, Канада және Мексикада өтіп жатқан 2026 жылғы футболдан әлем чемпионатының 1/8 финалындағы кезекті екі матч өтеді, деп хабарлайды malimsports.kz.
00:00 – Португалия – Испания
Португалия құрамасы топтық кезеңде Колумбиядан кейін К тобында екінші орын алып, плей-оффқа жолдама алды. 1/16 финалда Роберто Мартинестің шәкірттері Хорватияны 2:1 есебімен жеңіп, келесі кезеңге өтті.
Испания болса, өз тобында бірінші орын алып, турнир барысында бірде-бір гол жібермей келеді. 1/16 финалда Луис де ла Фуэнтенің командасы Аустрияны 3:0 есебімен сенімді жеңіп, 1/8 финалға шықты. Турнирде төрт гол соққан Микель Оярсабаль әзірге команданың басты сұрмергені саналады.
Кездесу АҚШ-тың Арлингтон қаласындағы AT&T Stadium аренасында өтеді.
05:00 – АҚШ – Бельгия
АҚШ құрамасы топтық кезеңде D тобында бірінші орын алып, плей-оффтың алғашқы сатысында Босния және Герцеговинаны 2:0 есебімен жеңді. Осы матч алдында америкалықтардың шабуылшысы Фоларин Балоганның қызыл қағазына қатысты шешімнің күшін жоюы қызу талқыланып жатыр.
Бельгия G тобында көш бастап, 1/16 финалда Сенегалды тартысты кездесуде 3:2 есебімен жеңіп шықты. Еуропалық құрама енді турнир қожайындарының бірі саналатын АҚШ-пен ширек финал жолдамасы үшін таласады.
Матч Сиэтлдегі Lumen Field стадионында өтеді.
Фото: ©instagram.com/fifaworldcup/
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
