Қазақстандық балуан Шұғыла Өмірбек 23 жасқа дейінгі спортшылар арасындағы 2025 жылғы әлем чемпионатының финалына жолдама алды.
Жарыс Сербияның Нови-Сад қаласында өтіп жатыр.
Белдесулер нәтижесі:
1/8 финал: Шұғыла Өмірбек – Михаэла Самойлов (Молдова) – есеп 10:2.
1/4 финал: Шұғыла Өмірбек – Александра Волкулеску (Румыния) – есеп 3:1.
1/2 финал: Шұғыла Өмірбек – Амори Оливия Андрич (Германия). Шұғыла қарсыласын бір минут ішінде жамбасқа жатқызып, белдесуді уақытынан бұрын аяқтап, таза жеңіспен финалға шықты.
Финалдық кездесу:
Шұғыла Өмірбек енді Түркия елінің спортшысы, 2025 жылғы U23 Еуропа чемпионы Түба Демирмен кездеседі.
Финал 24 қазан күні, Астана уақыты бойынша 21:00-де өтеді.
Бұл нәтиже – қазақстандық әйелдер күресі тарихындағы маңызды жетістік. Шұғыла Өмірбек жоғары деңгейдегі дайындық пен техникалық шеберлігін көрсетіп, ел намысын лайықты қорғауда.
Фото: UWW
