Әйелдер күресінен ұлттық құраманың бас бапкері ауысты
Нұрсұлтан Теміров әйелдер күресінен Қазақстан ұлттық құрамасының бас жаттықтырушысы болып тағайындалды, деп хабарлайды malimsports.kz.
Нұрсұлтан Маратұлы – құрама құрылымындағы тәжірибелі әрі білікті мамандардың бірі. Ол халықаралық деңгейдегі спортшыларды даярлау ісін жетік меңгерген, ұзақ мерзімді спорттық жетілдіру жүйесін қалыптастырған кәсіби бапкер ретінде танымал.
Айта кету керек, ол – әлем чемпионатының төрт дүркін жүлдегері Жәмила Бақбергенованың жеке бапкері. Оның жетекшілігімен Жәмила халықаралық ареналарда ел намысын абыроймен қорғап, жоғары нәтижелерге қол жеткізді.
Бұған дейін еркін күрестен Қазақстан ұлттық құрамасының бас бапкері қызметіне Данияр Қайсанов тағайындалған болатын.
Жаңа тағайындаулар отандық күрес спортының дамуына тың серпін беріп, халықаралық додалардағы нәтижені жақсартуға бағытталған маңызды қадам ретінде бағалануда.
Фото: Ашық дереккөзден
Карло Анчелотти Неймарды тағы да Бразилия құрамасына шақырмады
Ең көп оқылған
