Әйелдер күресі: Виктория Хусаинова мен Зульфия Яхьярова әлем чемпионатында жеңілді
Хорватия астанасы Загребте өтіп жатқан әйелдер күресінен әлем чемпионатында Ұлттық құрама спортшысы Виктория Хусаинова екінші белдесуінде, ал Зульфия Яхьярова бірінші айналымда жеңілді, деп хабарлайды malimsports.kz.
Ол 1/8 айналымда Моңғолия өкіліне 9:1 есебімен есе жіберді. Енді қарсыласы финалға шықса, Хусаинова ертең жұбаныш кезеңіне бақ сынайды.
Сондай-ақ, Зульфия Яхьярова әлем чемпионатының 1/8 финалында түркиялық Эльвира Сулейман Камалоглуға есе жіберіп, ширек финалға шыға алмады.
Бұған дейін ерлер арасында 97 келіде белдескен әлем чемпионы Ризабек Айтмұқан алғашқы айналымда UWW құрамасының өкіліне 5:4 нәтижесімен жол берген болатын.
Сондай-ақ, 65 келіде легионер Начын Куулар алғашқы белдесуін Қытай балуанын 10:0, 1/16 финалда Колумбия спортшысын 10:0 есебімен жеңді. Енді ол 1/8 финалда UWW құрамасының балуаны Ибрагим Ибрагимовпен күреспек.
Сонымен бірге, 92 келіде Камиль Куруглиев жұбаныш белдесуінде жеңіске жетіп, енді әлем чемпионатының қола жүлдесі үшін парсы балуанымен күреседі.
Фото: Спортты дамыту дирекциясы
Ең көп оқылған
