Өскеменде Ольга Рыпакованың жүлдесіне арналған XI халықаралық турнир өтеді
Өскеменде жеңіл атлетикадан Олимпиада чемпионы Ольга Рыпакованың жүлдесіне арналған XI халықаралық турнир өтеді, деп хабарлайды malimsports.kz.
14 ақпанда Өскемендегі «Ольга Рыпакова» атындағы жеңіл атлетикалық орталықта Олимпиада чемпионы Ольга Рыпакованың жүлдесіне арналған XI Халықаралық жеңіл атлетика турнирі өтеді.
Турнирге 11 мемлекеттен 150-ден астам спортшы қатысады. Атап айтқанда Қазақстан, Өзбекстан, Тәжікстан, Қырғызстан, Грузия, Украина, Армения, Үндістан, Грекия, Түркия және Литва. Қатысушы елдердің кең географиясы жарыстың жоғары халықаралық мәртебесін және шетелдік ұлттық федерациялар тарапынан тұрақты қызығушылықты көрсетеді.
Қазақстан құрамасы турнирде ең көп спортшымен ұсынылады — барлығы 89 атлет (41 ер адам және 48 әйел). Қазақстандық спортшылар жарыс бағдарламасының барлық түрлері бойынша өнер көрсетеді.
Жарыс бағдарламасы
Ерлер:
60 м, 400 м, 800 м, 3000 м, 60 м кедергілермен жүгіру, сырықпен секіру, ядро лақтыру, үш қарғып секіру.
Әйелдер:
60 м, 400 м, 800 м, 3000 м, 60 м кедергілермен жүгіру, биіктікке секіру, үш қарғып секіру, ұзындыққа секіру, 4×200 м эстафеталық жүгіру (микс — 2 әйел және 2 ер адам).
Қатысушылар тізімінде ұлттық құрамалардың көшбасшылары, халықаралық жарыстардың жүлдегерлері, Азия чемпиондары, Қазақстан Республикасының рекордшылары, сондай-ақ болашағынан үміт күттіретін жасөспірімдер мен жастар бар. Сонымен қатар, Шығыс Қазақстан облысының жетекші спортшылары да қатысады.
Фото: Ақорда
Карло Анчелотти Неймарды тағы да Бразилия құрамасына шақырмады
Ең көп оқылған
