Аян Бейсенбаев Астанадағы Азия кубогы кезеңінде жеңімпаз атанды
Қазақстандық триатлоншы Аян Бейсенбаев Астанада өткен триатлоннан Азия кубогы кезеңінің жеңімпазы атанды, деп хабарлайды malimsports.kz.
Отандасымыз жарыс қашықтығын 54 минут 5 секундта еңсеріп, мәреге бірінші болып жетті. Осылайша, Аян Бейсенбаев халықаралық турнирдің алтын медалін иеленді.
Күміс жүлде Тео Матриге бұйырды. Ол жеңімпаздан небәрі үш секундқа қалып, 54 минут 8 секунд нәтиже көрсетті. Ал үшінші орынды Чехия өкілі Радим Гребик иеленді – 54 минут 9 секунд.
Жарыста Қазақстан құрамасының өзге өкілдері де жақсы нәтиже көрсетті. Егор Крупяков алғашқы ондыққа еніп, сегізінші орын алды. Дарын Қонысбаев 11-орынға тұрақтаса, Темірлан Теміров 14-нәтиже көрсетті.
Айта кетейік, Астанадағы Азия кубогы кезеңі құрлықтың үздік триатлоншыларын жинап, жоғары деңгейдегі бәсекеге айналды.
Фото: ҰОК
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
