Волейболдан Қазақстан құрамасы Азия кубогының топтық кезеңін жеңіспен аяқтады
Үндістанның Ахмедабад қаласында өтіп жатқан волейболдан ерлер арасындағы Азия кубогында Қазақстан құрамасы топтық кезеңдегі соңғы матчын жеңіспен түйіндеді, деп хабарлайды malimsports.kz.
Сергей Трикоз баптайтын ұлттық құрама А тобының қорытынды кездесуінде Жаңа Зеландия құрамасымен кездесіп, 3:1 есебімен басым түсті.
Қазақстандық волейболшылар алғашқы екі партияда 25:21 және 25:19 есебімен жеңіске жетті. Үшінші сетте қарсыластар 25:22 есебімен басым болғанымен, төртінші партияда отандастарымыз дәл сондай есеппен жеңіске жетіп, матчқа нүкте қойды.
Осылайша, Қазақстан құрамасы А тобында 8 ұпай жинап, үшінші орынға тұрақтады. Енді ұлттық құрама турнирде бесінші орын үшін күресті жалғастырады.
Айта кетейік, А тобынан Үндістан мен Бахрейн құрамалары жартылай финалға жолдама алды.
Фото: ҚВФ
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
