Қазақстан құрамасы волейболды отырып ойнаудан әлем чемпионатындағы қола жүлде иеленді
Қытайдың Ханчжоу қаласында 10-17 шілде аралығында волейболды отырып ойнаудан әлем чемпионаты өтті. Әлемдік додаға ерлер арасында 16 ұлттық құрама қатысты, деп жазады malimsports.kz.
Қазақстан құрамасы С тобында Бразилия, Хорватия және Ирак командаларымен сынға түсіп, топтық кезеңді екінші орынмен аяқтау арқылы плей-офф кезеңіне жолдама алған болатын.
Нәтижесінде 1/8 финалда отандастарымыз Польша құрамасын 3:0 есебімен айқын жеңсе, ширек финалда Руанда құрамасын да 3:0 есебімен ұтты.
Ал жартылай финалда қазақстандық команда әлемнің ең мықты командаларының бірі Ираннан 0:3 есебімен жеңілді.
Үшінші орын үшін өткен тартысты кездесуде қазақстандық спортшылар Бразилия құрамасын 3:2 есебімен жеңіп, әлем чемпионатының қола жүлдесін иеленді.
Фото: Туризм және спорт министрлігі
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
