Қытайдың Ханчжоу қаласында өтіп жатқан волейболды отырып ойнаудан әлем чемпионатында Қазақстан құрамасы ширек финалға шықты, деп хабарлайды malimsports.kz.
1/8 финалда қазақстандық параволейболшылар Польша құрамасымен кездесіп, сенімді жеңіске жетті.
Бауыржан Тахауов жаттықтыратын команда алғашқы екі партияны бірдей 25:18 есебімен өз пайдасына аяқтады. Үшінші сетте де басымдықты қолдан шығармаған отандастарымыз 25:20 есебімен жеңіске жетіп, матчты 3:0 нәтижесімен қорытындылады.
Айта кетейік, кездесуді Халықаралық паралимпиада комитетінің президенті Эндрю Парсонс арнайы тамашалады.
Осылайша, Қазақстан құрамасы әлем чемпионатының үздік сегіз командасының қатарына енді.
Фото: Қазақстан пара волейбол федерациясы
