Зарина Дияс Аустралия ашық чемпионатына жолдама жеңіп алды
Қазақстандық теннисші Зарина Дияс Қытайдың Чэнду қаласында өткен Азия – Тынық мұхит аймағы бойынша 2026 жылғы Australian Open турниріне арнайы іріктеу додасында жеңіске жетіп, Мельбурнге жолдама алды.
Турнир барысында Зарина тек жергілікті спортшылармен кездесіп, барлық қарсыластарын сенімді түрде ұтты.
• Алғашқы айналымда Яо Синьсиньді 6:3, 6:4 есебімен жеңді.
• Ширек финалда Жан Жунханьды 6:3, 7:5 нәтижесімен жарыстан шеттетті.
• Жартылай финалда Хань Шимен ойнап, бес брейк жасап, матчты 6:1, 6:3 есебімен аяқтады.
Шешуші финалдық кездесуде З.Дияс қытайлық Тайбэйдің өкілі Лян Эньшуомен кортқа шықты. Қазақстандық теннисші қарсыласына еш мүмкіндік бермей, матчты 6:3, 6:4 есебімен аяқтады.
Осылайша Зарина Дияс 2026 жылғы Аустралия ашық чемпионатына ресми жолдама иеленді.
Айта кетейік, теннисшінің Мельбурндегі үздік нәтижесі – турнирдің үшінші кезеңіне (2014, 2015, 2020, 2021 жылдары) дейін жетуі.
Фото: ҰОК
"Барлығына ұнау мүмкін емес": Шерхан Қалмұрза "сыншылар" туралы пікір білдірді
Ең көп оқылған
