Заңғар Нұрланұлы алғаш рет US Open турнирінің жартылай финалына шықты
17 жастағы теннисші Заңғар Нұрланұлы жасөспірімдер арасындағы АҚШ ашық чемпионатының жартылай финалына жолдама алды, деп хабарлайды malimsports.kz.
ITF Juniors рейтингінде 54-орында тұрған Заңғар ширек финалда жарыстың 13-ракеткасы, ресейлік 18 жастағы Тимофей Дерепаскомен күш сынасты.
Бірінші партияда есеп 1:1 болған тұста қазақстандық брейк жасап, артынша тағы бір брейкке қол жеткізді – 6:2.
Екінші сетте Нұрланұлы брейкпен бастаса да, сол артықшылығын ұстап тұра алмады – 1:1. Алайда есеп 3:3 болғанда тағы да брейк жасап, өз геймін сенімді түрде алды – 5:3. Содан кейін матчты жеңіспен аяқтады – 6:4.
Енді Заңғар финалға шығу үшін жасөспірімдер арасындағы әлемнің бірінші ракеткасы, болгариялық Иван Ивановпен кездеседі. Осылайша, Нұрланұлы жасөспірімдер арасында қазақстандық теннисшілер тарихында тұңғыш рет мұндай жетістікке қол жеткізді.
Ең көп оқылған
