Қазақстандық теннисші, 20 жастағы Соня Жиенбаева жұптық сында Коройос-Сейшал (Португалия) ITF W50 турнирін сәтті бастады, деп жазады malimsports.kz.
Қазақпараттың жазуынша, қытайлық Хан Шимен бірге жарыстың 4-ракеткасы болып тіркелген қазақстандық спортшы алғашқы айналымда чехиялық Габриэла Кнутсон - америкалық Габриэла Вилардың мысын басты.
Кездесу 6:2, 6:1 есебімен қазақстандық-қытайлық жұптың пайдасына шешілді.
Бәсеке 50 минутта аяқталды.
Соня Жиенбаева - Хан Ши жартылай финалға шығу үшін аустралиялықтар Элла Симмонс - Эми Стивенспен таласады.
С.Жиенбаева аталмыш додада жекелей сында да өнер көрсетеді.
Фото: ҚР МОҚ
