Рыбакина Лондондағы сәтсіздікке қарамастан әлемнің екінші ракеткасы мәртебесін сақтап қалды
Әйелдер теннис қауымдастығы (WTA) жаңартылған әлемдік рейтингті жариялады. Қазақстанның бірінші ракеткасы Елена Рыбакина турнирден ерте шыққанына қарамастан, үздік үштіктегі орнын сақтап қалды, деп хабарлайды malimsports.kz.
Жаңартылған рейтинг бойынша қазақстандық теннисші 8 143 ұпаймен әлемнің екінші ракеткасы атанып отыр. Көш басында 9 090 ұпаймен Арина Соболенко орналасса, үшінші орында 6 733 ұпай жинаған Ига Швёнтек келеді.
Айта кетейік, Рыбакина жуырда Лондонда өткен WTA 500 турнирінің ширек финалында Ұлыбритания өкілі Кэти Боултерге 5:7, 6:2, 4:6 есебімен жол беріп, жарысты мерзімінен бұрын аяқтаған болатын.
Қазақстандық теннисшілер арасында өзгерістер де болды. Юлия Путинцева 11 сатыға төмендеп, 87-орынға түсті. Жібек Құламбаева 40 орын жоғалтып, 476-сатыға жайғасты. Ал Аружан Сағандықова 28 орынға көтерілді. Ең үлкен серпілісті Соня Жиенбаева жасап, Қытайдағы жарыстардан кейін бірден 135 орынға жоғарылап, әлемдік рейтингте 902-орынға шықты.
Фото: instagram/wta
Бүгін қазақстандық клубтардың Еурокубоктағы алғашқы қарсыластары анықталады
Ең көп оқылған
