Асылжан Арыстанбекова мен Іңкәр Дүйсебай жұптық сында Анталиядағы (Түркия) ITF W15 турнирінің жартылай финалына жолдама алды, деп хабарлайды malimsports.kz.
Жарыстың 4-ракеткалары ретінде тіркелген қазақстандық жұп ширек финалда мажарстандық Мелинда Биро мен аустриялық Клаудиа Гаспаровичті 6:1, 6:0 есебімен ойсырата жеңді.
Енді Асылжан мен Іңкәр финалға шығу үшін турнирдің 1-ракеткасы, жапониялық Нанари Катсуми мен Ринко Мацуда жұбымен кездеседі.
Айта кетейік, Асылжан Арыстанбекова жекелей сында дәл осы Н.Катсумиге 1/16 финалда 4:6, 3:6 есебімен жол беріп қалған болатын.
Фото: ҚТФ
