Қазақстандық теннисші Гаагадағы турнирде сенсация жасады
Қазақстандық теннисші Жібек Құламбаева Нидерландтың Гаага қаласында өтіп жатқан ITF W75 турнирін сенсациялық жеңіспен бастады, деп хабарлайды malimsports.kz.
Әлемдік рейтингте 457-орында тұрған қазақстандық спортшы алғашқы айналымда әлемнің 170-ракеткасы әрі турнирдің бірінші нөмірлі ойыншысы, италиялық Нурия Бранкаччомен кездесті.
Кездесудің алғашқы сетінде италиялық теннисші 6:2 есебімен басым түсті. Алайда Құламбаева ойын барысын өз пайдасына өзгертіп, келесі екі партияда 6:1 және 6:4 есебімен жеңіске жетіп, камбэк жасады.
Матч 2 сағат 11 минутқа созылды.
Осылайша, Жібек Құламбаева жарыстың басты фаворитін турнирден шығарып, екінші айналымға жолдама алды. Ширек финалға шығу үшін ол Германия өкілі Жоэль Лилли-Софи Стойрмен кездеседі.
Фото: ҚТФ
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
