Францияда екі теннисші келісілген матчтарға қатысты деген күдікпен ұсталды
Францияда экс-теннисшілер 27 жастағы Кентен Фольо және 30 жастағы Максим Аму келісілген матчтарды ұйымдастыруға қатысты деген күдікпен ұсталды. Бұл туралы Le Parisien басылымы хабарлады, деп жазады malimsports.kz.
Екі спортшы да 10 наурызда Парижде жалған теннис матчтарын тергеу аясында қамауға алынған. Олармен бірге делдал ретінде әрекет етті деген күдікпен тағы бір адам да ұсталды.
Тергеуді заңсыз құмар ойындарға қарсы күрес жөніндегі орталық қызмет жүргізіп жатыр. Кентен Фольо сыбайлас жемқорлыққа қарсы органдарға бұрыннан таныс. 2025 жылдың желтоқсанында Халықаралық теннис адалдығы агенттігі (ITIA) оны сыбайлас жемқорлыққа қарсы бағдарламаны 27 рет бұзғаны үшін 20 жылға теннистен шеттеткен. Ол матчтарды әдейі ұтылғаны үшін ақша алғаны, басқа ойыншыларды сатып алуға әрекет жасағаны және дәлелдерді жойғаны үшін кінәлі деп танылған.
Дисквалификациялаудан бөлек, оған 70 мың доллар айыппұл салынып, заңсыз тапқан 44,6 мың доллардан астам қаражатты қайтару міндеттелген.
Ал оның отандасы Максим Аму бұған дейін мұндай тергеулерге қатысы болмаған. Дегенмен оның мансабы 2017 жылы «Ролан Гаррос» турниріндегі жанжалмен есте қалған. Сол кезде ол матчтан кейінгі сұхбат барысында Eurosport журналисін оның келісімінсіз сүйіп алғаны үшін аккредитациясынан айырылған.
Соңғы жылдары Максим Аму тек ішкі жарыстарға ғана қатысып жүрген.
Фото: Getty Images
Карло Анчелотти Неймарды тағы да Бразилия құрамасына шақырмады
Ең көп оқылған
