Теннистен Қазақстан әйелдер құрамасының көшбасшысы Елена Рыбакина АҚШ-тың Индиан-Уэллс қаласында өтіп жатқан WTA 1000 санатындағы турнирдің финалына шықты, деп хабарлайды malimsports.kz.
Жартылай финалда қазақстандық теннисші украиналық Элина Свитолинадан басым түсті.
Кездесу екі сетке созылып, 7:5, 6:4 есебімен аяқталды.
Финалда Елена Рыбакина Беларусь өкілі Арина Соболенкомен кездеседі.
Алдыда басты кездесу. Бас жүлде үшін Елена тағы да өзінің негізгі қарсыласы – Арина Соболенкомен (№1 WTA) кездеседі. Естеріңізге сала кетейік, олардың соңғы рет Australian Open финалындағы кездесуінде Елена жеңіске жетіп, чемпион атанған болатын.
Фото: ҰОК
