Қазақстанның бірінші, әлемнің екінші ракеткасы Елена Рыбакина Канаданың Монреаль қаласында өтетін WTA 1000 санатындағы турнирге қатысады, деп хабарлайды malimsports.kz.
Дәстүрлі жарыс биыл 2-13 тамыз күндері ұйымдастырылады. Турнирге әлемдік рейтингтің көшбасшы теннисшілерімен бірге қазақстандық спортшы да өтінім берді.
Рыбакина өткен жылы да Монреальдағы жарысқа қатысып, 1/8 финалға дейін жеткен еді. Алайда ширек финал жолдамасы үшін өткен кездесуде Украина өкілі Даяна Ястремскаяға үш сет қорытындысы бойынша жол берді.
Еске салайық, Елена Рыбакина жақында аяқталған «Уимблдон-2026» турнирінде үшінші айналымға дейін жетіп, осы кезеңде бельгиялық Элизе Мертенстен жеңіліп қалған болатын.
Фото: instagram/lenarybakina
