Елена Рыбакина Бейжіңдегі WTA 1000 турнирінің үшінші айналымына өтті
Әлемдік рейтингте 10-орында тұрған Қазақстанның бірінші ракеткасы Елена Рыбакина Бейжіңде (Қытай) өтіп жатқан WTA 1000 турнирінің үшінші айналымына жолдама алды, деп хабарлайды malimsports.kz.
Жарыстың 8-нөмірлі теннисшісі саналатын Рыбакина екінші айналымда рейтингте 90-сатыдағы америкалық Кэти Макнеллимен күш сынасты.
Қарсыласына қарсы өткен матчта алғашқы сет 7:5 есебімен Елена пайдасына шешілді. Екінші партияда Макнелли 6:4 есебімен жеңіске жетті. Ал шешуші үшінші сетте Рыбакина 3:0 есебімен алға шығып, сол артықшылығын сақтап қалды — 6:3.
2 сағат 30 минутқа созылған тартысты ойында Елена 8 эйс жасап, 11 брейк-пойнттың төртеуін тиімді пайдаланды. Қарсыласы 2 эйс және 3 брейкпен ерекшеленді.
Үшінші айналымда Рыбакина рейтингте 66-орындағы германиялық Ева Лиске қарсы ойнайды.
Фото: ҚТФ
Балауса Мұздыман "Қайрат" пен "Реал Мадрид" кездесуіне болжам жасады
Ең көп оқылған
