Данилина WTA 1000 турнирінің ширек финалына шықты
Анна Данилина мен Александра Круничтен құралған қазақстан-сербиялық дуэт Дубайда өтіп жатқан беделді WTA 1000 санатындағы турнирде жеңісті жолын жалғастыруда, деп хабарлайды malimsports.kz.
Екінші айналымда Қазақстанның бірінші ракеткасы мен оның серіктесі П. Плипыч/Р. Бхосале тандемін сенімді түрде жеңді. Кездесу 6:3, 7:6 есебімен аяқталды.
Матчтың алғашқы сеті Анна мен Александраның толық басымдығымен өтті: олар доп қабылдаудағы агрессивті ойыны мен тор алдындағы шеберлігінің арқасында айқын басымдыққа ие болды. Екінші партияда қарсыластар барын салып, ойынды тай-брейкке дейін жеткізді. Дегенмен, шешуші сәтте қазақстан-сербиялық жұптың тәжірибесі мен суыққандылығы матчты екі сетте аяқтауға мүмкіндік берді.
Жартылай финал жолдамасы үшін Данилина мен Крунич Людмила Киченок және Дизайр Кравчук жұбына қарсы кортқа шығады.
Фото: ҚТФ
Карло Анчелотти Неймарды тағы да Бразилия құрамасына шақырмады
Ең көп оқылған
