Әлемнің бірінші ракеткасы, испаниялық Карлос Алькарас Australian Open турнирінің финалына жолдама алды, деп хабарлайды malimsports.kz.
Жартылай финалда ол Германия өкілі, әлемнің үшінші ракеткасы Александр Зверевті 6:4, 7:6, 6:7, 6:7, 7:5 есебімен жеңді.
Матч 5 сағат 26 минутқа созылып, турнирдегі ең ұзақ кездесу болды. Алькарас алғашқы екі сетте басымдық танытқанымен, қарсыласына есепті теңестіруге мүмкіндік берді. Шешуші бесінші сетте Зверев 5:4 есебімен матчқа доп бергенімен, оны пайдалана алмады.
Бұл жеңіс Алькарас үшін тарихи мәнге ие: ол алғаш рет Australian Open финалында ойнайды. Сонымен қатар испаниялық теннисші «Үлкен дулыға» турнирлерінде 2:0 сет есебімен алда келе жатып, бірде-бір рет жеңіліп көрмеген.
Финалда Карлос Алькарас Янник Синнер (Италия) мен Новак Джокович (Сербия) жұбының жеңімпазымен кездеседі.
Фото: Getty Images
