Қазақстандық теннисші Александр Шевченко Словакияда өткен Братислава Челленджер турнирінің финалында жеңіліс тапты, деп хабарлайды malimsports.kz.
Рейтингте 97-орында тұрған және жарыстың бірінші ракеткасы болған Шевченко шешуші матчта әлемдік рейтингтің 293-орнындағы жапониялық Таро Дэниелге қарсы ойнады.
Кездесу үш сетке созылып, 6:3, 0:6, 6:7 (2:7) есебімен аяқталды. Ойын 2 сағат 36 минутқа созылды. Матч барысында қазақстандық теннисші 8 эйс жасап, 5 қос қателік жіберді және 12 брейк-пойнттың 4-еуін тиімді пайдаланды.
Айта кетейік, финалдағы жеңіліске қарамастан, Шевченко бұл турнирден рейтингтік ұпайлар жинап, әлемдік рейтингтегі позициясын жақсартуы мүмкін.
Фото: ҚТФ
