Александр Бублик Қытайдағы турнирдің финалына шықты
Қазақстанның үздік теннисшісі, әлемнің 19-ракеткасы Александр Бублик Ханчжоу қаласында өтіп жатқан ATP-250 турнирінің финалына жолдама алды, деп хабарлайды malimsports.kz.
Жартылай финалда қазақстандық теннисші жергілікті спортшы, әлемдік рейтингтің 196-сатысында тұрған У Ибинмен кездесіп, сенімді жеңіске жетті. Бублик екі сетте де қарсыласына мүмкіндік бермей, кездесуді 6:3, 6:3 есебімен аяқтады.
Бір сағатқа созылған матчта отандасымыз 19 эйс жасап, 5 брейк-пойнттың үшеуін тиімді пайдаланды. Ал қытайлық теннисші небәрі 2 эйспен шектелді.
Шешуші сында Бублик әлемнің 88-ракеткасы, франциялық Валентен Ройемен чемпиондық атақты сарапқа салады. Француз теннисшісі турнир барысында сенсация жасап, топ-15-тегі ресейлік Андрей Рублёвті жарыстан шығарған болатын.
Айта кетейік, өткен жылы Ханчжоу турнирінде хорватиялық Марин Чилич жеңімпаз атанған еді.
Тағы бір қазақстандық теннисші Александр Шевченко Чэнду (Қытай) ATP-250 турнирінің жартылай финалында әлемнің тоғызыншы ракеткасы, италиялық Лоренцо Музеттиге жол берді — 3:6, 1:6.
Фото: ҰОК
Соған қарамастан, Шевченко жартылай финалға дейін жеткен нәтижесінің арқасында ATP Live рейтингінде 96-орыннан 88-сатыға көтерілді.
Фото: ҰОК
Балауса Мұздыман "Қайрат" пен "Реал Мадрид" кездесуіне болжам жасады
Ең көп оқылған
