Қазақстанның бірінші ракеткасы Александр Бублик Аустрияның Кицбюэль қаласында өтіп жатқан ATP 250 турнирінің жартылай финалына жолдама алды, деп хабарлайды malimsports.kz.
Әлемдік рейтингте 11-орында тұрған және турнирдің бірінші нөмірлі атанған отандық теннисші ширек финалда рейтингтің 81-сатысындағы словакиялық Алекс Молчанды екі сетте жеңді.
Кездесу 6:3, 6:2 есебімен аяқталды. Матч 1 сағат 9 минутқа созылды.
Ойын барысында Бублик 12 эйс жасап, 7 рет қос қателікке жол берді. Сондай-ақ сегіз брейк-пойнттың төртеуін сәтті пайдаланды.
Финал жолдамасы үшін қазақстандық теннисші әлемдік рейтингте 31-орында тұрған аргентиналық Томас Мартин Этчеверримен кездеседі.
Фото: ҚТФ
