Александр Бублик Дэвис кубогында жарақат алды
Қазақстанның бірінші ракеткасы, әлемнің 19-шы ракеткасы Александр Бублик Оңтүстік Кореямен өткен Дэвис кубогының плей-офф ойынында жарақат алып, матчты жалғастыра алмады, деп хабарлайды malimspors.kz.
Матч барысы
Бублик кореялық теннисші Квон Су Вонмен кортқа шықты. Бірінші сетте тартысты тай-брейкте қазақстандық спортшы 6:7 (6:8) есебімен жеңіліп қалды. Ал екінші сетте қарсылас 3:0 есебімен алға шыққан сәтте жаңбырға байланысты ойын уақытша тоқтатылды.
Ойынның басында-ақ жамбасынан жарақат алған Александр Бублик дәрігерлер мен массажистердің көмегіне жүгінгенімен, ауруды басатын дәрілер де көмектеспеді. Соның салдарынан ол матчты жалғастырудан бас тартуға мәжбүр болды.
Құрамадағы өзгерістер
Қазақстан теннис федерациясы мен бапкерлік штаб алдағы ойындарға өзгеріс енгізуге шешім қабылдады.
Жұптық кездесуге Тимофей Скатов пен Александр Шевченко шығады.
Ал жекелей сынға кімнің шығатыны жұптық ойын нәтижесінен кейін белгілі болады.
Қазіргі таңда Қазақстан мен Оңтүстік Корея арасындағы есеп 1:1 болып тұр. Бұған дейін Александр Шевченко Қазақстанға алғашқы ұпайды алып берген еді.
Фото: Ktf.kz
«Қайрат» – «Реал» матчының бас төрешісі белгілі болды
Ең көп оқылған
