Қазақстан атынан өнер көрсететін Александр Бублик Мельбурнде өтіп жатқан Australian Open турнирінің төртінші айналымында (1/8 финал) жарыстан шығып қалды, деп хабарлайды malimsports.kz.
Ол аустралиялық теннисші Алекс де Минаурға есе жіберді.
Кездесу Минаурдың сенімді жеңісімен аяқталды - 6:4, 6:1, 6:1.
Әлемнің оныншы ракеткасы Бублик қарсыласынан алтыншы рет кездесіп, төртінші рет жеңіліп отыр.
Бұл жеңіс де Минаур үшін «Үлкен дулыға» турнирлерінде топ-10 ойыншыны үшінші рет ұтуы болды. Сондай-ақ ол өз елінде өтіп жатқан Australian Open турниріндегі ең үздік нәтижесін қайталады - ширек финал (бұған дейін 2025 жылы осы кезеңге жеткен).
Ширек финалда Алекс де Минаур әлемнің бірінші ракеткасы Карлос Алькарасқа қарсы ойнайды.
Фото: Getty Images
