17 жастағы Әмір Омарханов Тунисте турнирдің 2-ракеткасын қапы қалдырды
Қазақстандық жас теннисші Әмір Омарханов (17 жас) Монастирде (Тунис) өтіп жатқан ITF M15 турнирінің ширек финалына жолдама алды, деп хабарлайды malimsports.kz.
Әлемдік рейтингте 1241-сатыда тұрған ол алғашқы айналымда дүниежүзілік рейтингтің 970-орнындағы германиялық Венсан Марысканы сенімді ойынымен ұтып шықты – 6:3, 6:1.
Келесі кезеңде Омарханов турнирдің 2-ракеткасы, әлемнің 622-ші ракеткасы саналатын тунистік Азиз Оуакамен кездесіп, тағы да жеңіске жетті. Бірінші сет 6:3 есебімен қазақстандықтың еншісінде қалды. Ал екінші партияда Әмір 3:0 есебімен алға шыққан сәтте қарсыласы матчты жалғастырудан бас тартты.
Осылайша Әмір Омарханов жартылай финалға шығу жолында дүниежүзілік рейтингтің 1430-сатысында тұрған германиялық Лука Виденманға қарсы ойнайды.
Фото: ҰОК
Балауса Мұздыман "Қайрат" пен "Реал Мадрид" кездесуіне болжам жасады
Ең көп оқылған
