Аралас жекпе-жек жұлдызы Хамзат Чимаев («Борз») UFC 322 турнирінде өтетін Ислам Махачев пен Джек Делла Маддалена арасындағы титулдық айқасқа қатысты өз болжамын бөлісті.
Чимаевтың айтуынша, оның жаттықтырушысы бұл жекпе-жекте Маддаленаны фаворит санайды. Яғни «55% Маддалена, 45% Махачев» жеңеді деп отыр екен. Алайда Хамзат бұл пікірмен келіспейді:
«Менің жаттықтырушым Маддалена фаворит дейді. Бірақ мен Исламның жеңетініне сенемін. Екеуі де мықты спортшылар. Ислам салмақ жоғары көтеріліп жатыр, оның жартылай орта салмақта қалай өнер көрсететіні қызық. Бұл жекпе-жекте Ислам күресін көбірек қолданады деп ойлаймын», – деді Чимаев жанкүйер сұрағына жауап бере отырып.
Ислам Махачев үшін бұл жекпе-жек – жартылай орта салмақтағы дебюті. 15 қарашада Нью-Йоркте өтетін UFC 322 турнирінде ол австралиялық Джек Делла Маддаленаның чемпиондық белдігін тартып алуға талпынады.
Тамыз айында UFC-дің орта салмақ категориясында чемпион атанған Хамзат Чимаев келесі жылы титулын алғаш рет қорғауды жоспарлап отыр.
Фото: instagram/islam_makhachev
