Конор Макгрегор тізе жарақатына байланысты бір жылға спорттан шеттетіледі
UFC ұйымының бұрынғы екі салмақ дәрежесіндегі чемпионы Конор Макгрегор UFC 329 турнирінде алған ауыр жарақатына байланысты шамамен бір жылға жекпе-жектерден тыс қалады. Бұл туралы UFC президенті Дэйна Уайт баспасөз мәслихатында мәлімдеді, деп хабарлайды malimsports.kz.
Ирландиялық спортшы 12 шілде күні Лас-Вегаста өткен UFC 329 турнирінде америкалық Макс Холлоуэйге қарсы жекпе-жекте тізесінен жарақат алып, кездесуде 65 секундта техникалық нокаутпен жеңіліс тапты.
Жекпе-жектен кейін Дэйна Уайт Макгрегордың алдыңғы айқас байламының (ACL) жыртылуына күдік бар екенін айтқан болатын. Кейін Макгрегор әлеуметтік желідегі парақшасында алдағы уақытта ота жасататынын хабарлап, Холлоуэймен өткен кездесуді өтпеген жекпе-жек деп тануды сұрады.
Айта кетейік, бұл жекпе-жекке дейін Макгрегор соңғы рет 2021 жылдың шілде айында октагонға шығып, америкалық Дастин Порьеден жеңіліп, аяғын сындырған еді. Содан бері ол UFC-де өнер көрсетпеген.
38 жастағы Конор Макгрегордың аралас жекпе-жек (ММА) мансабында 22 жеңіс және 7 жеңіліс бар. Ол UFC тарихында бір уақытта жеңіл және жартылай жеңіл салмақ дәрежелерінің чемпионы атанған алғашқы спортшылардың бірі ретінде танымал.
Фото: Getty Images
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
