Дияр Нұрғожай UFC турнирінде қарсыласын бірінші раундта нокаутқа түсірді
Қазақстандық аралас жекпе-жек шебері Дияр Нұрғожай UFC-дегі кезекті жеңісіне қол жеткізді.
Нұрғожай Лас-Вегаста (АҚШ) өткен UFC Fight Night 284 турнирінде бразилиялық Бруно Лопеспен кездесті.
Жекпе-жек толық үш раундқа созылған жоқ. Қазақстандық спортшы алғашқы раундта қарсыласын нокаутқа түсіріп, айқын жеңіске жетті.
Осылайша, Дияр Нұрғожай кәсіби ММА-дағы 12-жеңісіне қол жеткізді. Ал Бруно Лопес мансабындағы төртінші жеңілісін тіркеді.
Бұл Нұрғожайдың UFC-дегі екінші жеңісі әрі қатарынан екінші рет жеңіске жетуі. Енді қазақстандық файтердің UFC-дегі көрсеткіші 2 жеңіс, 2 жеңіліс болып тұр.
Бруно Лопестің UFC-дегі статистикасы, өз кезегінде, 1 жеңіс, 3 жеңіліске өзгерді.
Айта кетейік, бұл Дияр Нұрғожайдың UFC аясындағы төртінші жекпе-жегі.
Фото: әлеуметтік желі
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
