Асу Алмабаев жарқын жеңіске жеткені үшін UFC-ден 100 мың доллар бонус алды
UFC Әзербайжанның Баку қаласында өткен UFC Fight Night 280 турнирінде жарқын жеңіске жеткен спортшыларға ақшалай сыйақы тағайындады, деп хабарлайды malimsports.kz.
Марапатталғандардың қатарында қазақстандық файтер Асу Алмабаев (24-3) та бар. Ол үшінші раундта америкалық Чарльз Джонсонды (19-9) ауырту әдісімен жеңіп, мерзімінен бұрын жеңіске жеткен болатын.
«Кештің үздік өнері» номинациясы бойынша Алмабаев 100 мың АҚШ доллары көлемінде бонусқа ие болды.
Осындай сыйақыны Әзербайжан өкілі Рафаэль Физиев (14-5), түркиялық Абдул-Рахман Яхьяев (10-0) және украиналық Даниил Донченко (14-2) да иеленді.
Ал мерзімінен бұрын жеңіске жеткені үшін 25 мың долларлық бонус Әзербайжан файтері Тағир Абдуллаев (22-3), аустралиялық Каан Офли (14-4-1), өзбекстандық Нурсұлтон Рузибоев (37-9-2), бразилиялық Матеус Камило (11-3) және Германия атынан өнер көрсететін Абусупьян Магомедовке (29-7-1) табысталады.
Фото: instagram/asu_zulfikar57
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
