ҚХЛ: «Барыс» елордада овертаймда «Спартактан» басым түсті
«Барыс» хоккей клубы Құрлықтық хоккей лигасындағы кезекті кездесуін елордада Мәскеудің «Спартак» командасына қарсы өткізді.
Соңғы төрт матчта жеңіліс тапқан қазақстандық клуб турнир кестесінде 27 ұпаймен 19-орында тұрған еді. Ал қарсылас – 39 ұпаймен 9-орынға жайғасып, плей-оффқа шығуға мүмкіндік мол командалардың бірі.
Матч аса тартысты өтті. Алғашқы кезеңде «Барыс» кездесуді белсенді бастап, 5-минутта Аңсар Шайхмедденов есеп ашты. Алайда «Спартак» ойыншылары Павел Порядин (8-минут) және Данил Пивчулин (23-минут) екі шайбамен жауап қатты.
Екінші кезеңде де голдар сериясы жалғасты. 23-минутта Люк Локхарт ресейлік клубтың басымдығын арттырды. Бірақ «Барыс» ойыншылары тез ес жиып, Райли Уолш (29-минут) пен Джейк Масси (32-минут) қатарынан екі шайба салып, есепті теңестірді.
Негізгі ойын уақыты 3:3 есебімен аяқталып, матч овертаймға ұласты. Қосымша уақытта шешуші шайбаны Джейк Масси енгізіп, «Барысқа» маңызды жеңіс сыйлады – 4:3.
Бұл жеңіс елордалық клубтың бес матч қатарынан «Спартактан» жеңіле берген сәтсіз сериясын үзуге мүмкіндік берді.
«Барыс» келесі ойынын 7 желтоқсанда өз алаңында Новосібірдің «Сибирь» клубына қарсы өткізеді.
Фото: «Барыс» клубының баспасөз қызметі
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
