Құрлықтық хоккей лигасында бақ сынайтын елорданың «Барысы» бүгін тұрақты чемпионаттағы кезекті матчын Нижнекамскінің «Нефтехимик» командасымен өткізеді, деп хабарлайды malimsports.kz.
«Барыс Аренада» өтетін ойын жергілікті уақытпен сағат 19:00-де басталады. Тікелей эфирде матчты Qazsport телеарнасы көрсетеді. Сондай-ақ трансляцияны телеарнаның ресми сайтынан да көруге болады.
Астаналық клуб соңғы төрт матчта қатарынан жеңіліп, сапардағы сериядан сәтсіз оралды. Михаил Кравец командасы «Торпедоға» (3:2), «Ак Барсқа» (3:1), «Салават Юлаевке» (3:1) және «Автомобилистке» (2:1 қосымша уақытта) жол берді.
Қазіргі таңда «Барыс» ҚХЛ-дың Шығыс конференциясында соңғы орындардың бірінде тұр. Команда 46 ойында 37 ұпай жинады. Ал «Нефтехимик» 46 матчта 49 ұпаймен конференцияда 5-орынға тұрақтаған.
Фото: "Барыс" ХК
