Бүгін Астанада Құрлықтық хоккей лигасының тұрақты чемпионаты аясында «Барыс» өз айдынында Хабаровскінің «Амур» командасын қабылдайды, деп хабарлайды malimsports.kz.
Ойын елорда уақытымен 16:30-да басталып, Qazsport телеарнасынан тікелей эфирде көрсетіледі.
Қазіргі таңда «Амур» 39 матчтан кейін 36 ұпай жинаған. Ал «Барыстың» еншісінде 40 ойыннан кейін 34 ұпай бар. Өткен матчта елордалық клуб өз айдынында Екатеринбургтің «Автомобилист» командасына 1:4 есебімен есе жіберді. Ал «Амур» да соңғы ойынында сырт алаңда Уфаның «Салават Юлаев» командасына 2:4 есебімен жеңілді.
Фото: "Барыс" ХК
