«Барыс» ҚХЛ көшбасшысымен кездеседі
Қазақстандық «Барыс» хоккей клубы 29 қараша күні Құрлықтық хоккей лигасындағы (ҚХЛ) кезекті матчын Ресейдің Магнитогорск қаласында «Металлургпен» өткізеді.
Ойын Қазақстан уақытымен 16:30-де басталады. Матчтың тікелей эфирін Qazsport телеарнасынан көруге болады.
Қарсыластар бұған дейін 75 рет жолығып, соның 24-інде елордалық клуб жеңіске жеткен. Қалған ойындарда «Металлург» басым түсті.
«Барыс» үшін жағымсыз статистика – соңғы бес матчта қазақстандық команда Магнитогорск ұжымынан жеңіліп келеді.
Турнир кестесінде жағдай келесідей:
«Барыс» – 27 ұпай, 19-орын
«Металлург» – 48 ұпай.
Қарсыласы – Шығыс конференциясы мен жалпы лиганың көшбасшысы.
Соңғы ойындарда «Барыс» Уфада «Салават Юлаевтан» 4:7 есебімен ұтылса, «Металлург» өз айдынында «Авангардқа» 1:3 есебімен жол берді.
2024/25 маусымында қос команда екі рет кездесіп, екеуінде де «Барыс» жеңілді:
Магнитогорскіде – 1:5
Астанада – 1:4
Магнитогорскімен кездесуден кейін «Барыс» сырт айдындағы сапарын жалғастырып, 1 желтоқсанда Новосібірдің «Сибирь» клубына қарсы ойнайды.
Фото: «Барыс» хоккей клубы
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
