Елорданың «Барысы» Құрлықтық хоккей лигасы аясындағы кезекті ойынын Қытайдың Shanghai Dragons командасына қарсы матч өткізіп, овертаймда жеңіліп қалды, деп хабарлайды malimsports.kz.
Кездесу 3:4 есебімен қонақтардың пайдасына аяқталды. Бірінші кезеңде қазақстандық клуб үш шайба соғып, қарсылас бір голмен жауап берді. Екінші кезеңде есеп өзгермеді. Үшінші кезеңде қытайлық команда екі гол соғып, негізгі уақыт 3:3 есебімен аяқталды.
Овертаймда Shanghai Dragons жеңіс шайбасын соғып, матч тағдырын шешті.
Айта кетейік, «Барыс» соңғы екі жылда плей-оффқа шыға алмай келеді және биыл да үздік 16-лықтан тыс қалып отыр. Келесі ойынын 22 ақпанда өз алаңында Ресейдің Северсталь командасына қарсы өткізеді.
Фото: "Барыс" ХК
