«Барыс» овертаймда «Автомобилист» командасын жеңді
Қазақстандық «Барыс» хоккей клубы Құрлықтық хоккей лигасындағы (ҚХЛ) кезекті ойынын елордада Ресейдің «Автомобилист» (Екатеринбург) командасымен өткізді.
Астаналық ұжым тартысты кездесуде жеңіске жетті.
Матчтың алғашқы бөлігінде елордалықтар басымдық танытты. 23-минутта Дінмұхамед Қайыржан, ал 28-минутта Мэйсон Морелли қарсыластың қақпасына шайба соғып, есепті 2:0-ге жеткізді.
Алайда ресейлік команда ойынға қайта оралып, 31-минутта Кёртис Волк, ал 40-минутта Александр Шаров гол соғып, таразы басын теңестірді – 2:2.
Негізгі уақыт тең аяқталып, ойын овертаймға ұласты. Қосымша кезеңнің 64-минутында Тайс Томпсон жеңіс шайбасын соғып, «Барысқа» маңызды жеңіс сыйлады – 3:2.
Осылайша елордалық клуб бес матчтық жеңіліс сериясын тоқтатты және турнир кестесінде 21 ұпаймен Шығыс конференциясында сегізінші орынға көтерілді.
«Автомобилист» 31 ұпай жинап, төртінші орында тұр.
«Барыс» келесі ойынын 9 қараша күні өз айдынында Ресейдің «Металлург» (Магнитогорск) командасына қарсы өткізеді.
Фото: ©ХК "Барыс"
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
