Өскеменнің «Торпедо» командасының бұрынғы вице-президенті Юрий Петухов Sports.kz сайтына Астананың «Барыс» хоккей клубының Континентальды хоккей лигасы (КХЛ) плей-оффына шығу мүмкіндіктері туралы пікір білдірді, деп жазады malimsports.kz.
Кеше «Сибирь» «Адмиралды» овертаймда жеңіп, «Барысқа» ұпай бойынша жетті. Бұл екі апта бұрын мүмкін емес болып көрінген еді. «Сибирь» 34 ұпай жинап, бір ойынын сақтап қалды. Соңғы 10 күнде «Барыстың» плей-оффқа шығу мүмкіндігі өте төмендеді. Барлық тең командаларға және әлсіз командаларға да ұтылды. «Салават Юлаев» пен «Сибирь» өз ойынын көрсетті. Қазіргі уақытта «Салават Юлаев» «Барыстан» 3 ұпай алда, ал «Сибирь» астаналықтармен ұпай бойынша теңесті. Сонымен қатар қарсыластарда қосымша ойынын пайдалану мүмкіндігі бар. Яғни, ұтылған ұпайлар бойынша «Барыс» Шығыста соңғы орында, себебі «Адмиралда» екі ойыны сақтаулы, - деді маман.
Айта кетейік, "Барыс" келесі ойынды Омбының «Авангард» командасына қарсы өткізеді.
Фото: Ашық дереккөзден
