Қазақстандық «Барыс» командасы 20 қаңтарда Континентальды хоккей лигасының ойын шеңберінде Ресейдің «Лада» (Тольятти) клубымен кездеседі, деп хабарлайды malimsports.kz.
Ойын Қазақстан уақытымен сағат 20:00-де басталып, «Qazsport» телеарнасынан тікелей эфирде көрсетіледі.
Қазірге дейін екі команда 20 рет жолығысып, оның 10-ын «Барыс» жеңіспен аяқтаған. Ал қалған кездесулерде ресейлік клуб алға шыққан. Соңғы бес кездесудің төртеуінде «Барыс» жеңіліс тапқан.
Турнир кестесінде «Барыс» 37 ұпаймен 19-орында, ал «Лада» 32 ұпаймен 22-орында тұр.
Қазақстандық клуб алдағы ойындарын да Ресейде өткізеді: 22 қаңтарда ЦСКА-мен, ал 24 қаңтарда «Нефтехимик» (Нижнекамск) командасымен кездеседі.
Фото: "Барыс" ХК
