«Барыс» бүгін елордада «Сибирь» командасымен кездеседі
Қазақстандық «Барыс» хоккей клубы 7 желтоқсанда Құрлықтық хоккей лигасындағы (ҚХЛ) кезекті ойынын өткізеді.
Елордада өтетін матчта қарсылас – Новосібірдің «Сибирь» командасы.
Кездесу Қазақстан уақытымен 17:00-де басталады. Ойын Qazsport телеарнасынан тікелей эфирде көрсетіледі, сондай-ақ арнаның ресми сайтында онлайн тамашалауға мүмкіндік бар.
Командалардың жағдайы
«Барыс» - 29 ұпай, Шығыс конференциясында 18-орын
«Сибирь» - 24 ұпай, 20-орын
Командалар бұған дейін 69 рет кездескен. Соның 28 матчында «Барыс» жеңіске жетсе, қалған ойындарда ресейлік клуб басым болған. Соңғы бес кездесудің төртеуінде «Сибирь» жеңіске жеткен.
Соңғы матч 1 желтоқсанда Новосібірде өткен. Онда «Сибирь» «Барысты» 4:1 есебімен ұтқан.
«Барыстың» лазаретінде жалғыз ойыншы бар – канадалық қорғаушы Тайлер Уотерспун.
Алдағы ойындар
Елордадағы кездесуден кейін «Барыс» қысқа сырт алаңдағы серианы бастайды:
16 желтоқсан – «Автомобилист» (Екатеринбург)
18 желтоқсан – «Динамо» (Мәскеу)
Айта кетейік, алдыңғы матчта «Барыс» өз айдынында «Спартакты» овертаймда жеңген болатын.
Фото: «Барыс» хоккей клубы
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
