Women’s Speed Chess-2026: Бибісара Асаубаева ширек финалға шықты
Қазақстандық шахматшы Бибісара Асаубаева Women’s Speed Chess Championship 2026 беделді онлайн турнирін сәтті бастады, деп хабарлайды malimsports.kz Sports.kz-ке сілтеме жасап.
1/8 финалда қазақстандық гроссмейстер Өзбекстан өкілі Афруза Хамдамованы жалпы 10,5:3,5 есебімен жеңіп, жарыстың ширек финалына жолдама алды.
Асаубаева матчтың барлық үш кезеңінде қарсыласынан басым түсті. 5+1 уақыт бақылауындағы блицте 3,5:1,5 есебімен жеңіске жетсе, 3+1 форматында 4:1 есебімен басым болды. Ал 1+1 форматындағы пулда да Хамдамоваға мүмкіндік бермей, 3:1 есебімен жеңді.
Осылайша, Бибісара Асаубаева матчты 10,5:3,5 есебімен аяқтап, Women’s Speed Chess Championship 2026 турнирінің ширек финалында чемпиондық атақ үшін күресін жалғастырады.
Бұған дейін Бибісара Асаубаева әлемдік рейтингте бірінші болуды мақсат етіп отырғанын мәлімдеген болатын.
Фото: Sports.kz
"Мбаппеге үлкен соққы": Моуринью "Реал Мадридтің" танымал ойыншысын сатуға ниетті
Ең көп оқылған
