Британдық боксшы Энтони Джошуа жол апатына түскен көліктің жүргізушісінде жүргізуші куәлігі болмағаны белгілі болды, деп хабарлайды malimsports.kz.
Оқиға Нигериядағы автожолдардың бірінде болған. Lexus маркалы жол талғамайтын көлік жол жиегінде тұрған жүк көлігіне соғылған. BBC дерегінше, көлік жылдамдықты шамадан тыс асырған, соның салдарынан жүргізуші басқаруды жоғалтып, жол апатына ұшыраған.
Жол-көлік оқиғасы салдарынан боксшының екі жақын досы — Сина Гами мен Айоделе қаза тапты. Энтони Джошуа түрлі жарақат алып, ауруханаға жеткізілген. Кейін ол сәрсенбі күні медициналық мекемеден шығарылды.
Жұма күні сот 46 жастағы жүргізуші Аденийи Моболаджи Кайодеге төрт бап бойынша айып тақты. Атап айтқанда, адам өліміне әкелген қауіпті көлік жүргізу, абайсыз және жауапсыз әрекет жасау, қажетті сақтық шараларын сақтамау, сондай-ақ жарамды жүргізуші куәлігінсіз көлік басқару деректері тіркелді. Іс бойынша келесі сот отырысы 20 қаңтарға белгіленген.
36 жастағы Энтони Джошуаның түбі нигериялық. Ол Уотфорд қаласында дүниеге келген, балалық шағының бір бөлігін Нигерияда өткізген. Кәсіпқой бокста 33 жекпе-жек өткізіп, оның 29-ында жеңіске жетіп, 4 рет жеңілген. Джошуа IBF, WBA, WBO және IBO тұжырымдары бойынша әлем чемпионы атанған. Ол соңғы жекпе-жегін 19 желтоқсанда өткізіп, қарсыласын нокаутпен жеңген болатын.
Фото: James Chance/Getty Images
