Жәнібек Әлімханұлы алдағы жекпе-жегі туралы батыл мәлімдеме жасады
Орта салмақтағы WBO және IBF нұсқалары бойынша әлем чемпионы Жәнібек Әлімханұлы (17-0, 12 КО) өз жанкүйерлерін алдағы жекпе-жегіне байланысты қызықты мәлімдемемен қуантты.
Шетелдік инсайдерлердің хабарлауынша, қазақстандық боксшы 6 желтоқсанда WBA белбеуінің иегері, кубалық Эрисланди Ларамен біріккен (унификациялық) жекпе-жек өткізеді. Бұл айқас орта салмақтағы басты оқиғалардың бірі болмақ.
Қазір Әлімханұлы АҚШ-та жаттығу өткізіп, рингке оралуға дайындалып жатыр. Ол алдағы кездесу өз пайдасына шешілетініне сенімді.
«Жақында... жеңіл жұмыс!» - деп жазды боксшы әлеуметтік желіде.
Айта кетейік, бұл жекпе-жек Жәнібектің 2025 жылғы екінші айқасы болмақ. Бұған дейін ол 2024 жылдың 5 сәуірінде Астанада француз Анауэль Нгамиссенгені нокаутқа түсіріп, айқын жеңіске жеткен еді.
Фото: әлеуметтік желі
"Барлығына ұнау мүмкін емес": Шерхан Қалмұрза "сыншылар" туралы пікір білдірді
Ең көп оқылған
