Халықаралық бокс даңқ залы Геннадий Головкинге қатысты маңызды шешім қабылдайды
Халықаралық бокс даңқ залы Геннадий Головкинге қатысты маңызды шешімді жариялауға дайындалып жатыр, деп жазады malimsports.kz.
Халықаралық бокс даңқ залы 4 желтоқсанда ұйымға қабылданатын жаңа мүшелердің есімдерін жариялайды. Айта кетейік, кандидаттар тізіміне Қазақстанның аты аңызға айналған боксшысы Геннадий Головкин де енгізілген.
Ұйым мәліметінше, жеңімпаздар қазіргі заман боксшылары арасынан (ерлер және әйелдер), сондай-ақ ардагерлер мен бокс саласының бақылаушылары арасынан анықталады.
Дауыс беру процесіне Америка Бокс журналистері ассоциациясының мүшелері және әртүрлі елдерден жиналған халықаралық бокс тарихшылары қатысқан. Сайлаушылар қатарында Жапония, Англия, Канада, Аргентина, Австралия, Нидерланд, Германия, Мексика және АҚШ өкілдері бар.
Халықаралық бокс даңқ залының атқарушы директоры Эдвард Брофи бұл сәтті бокс қауымдастығы үшін ерекше әрі маңызды оқиға екенін атап өтті.
«Даңқ залына жаңа мүшелерді қабылдау — бокс әлемі асыға күтетін тарихи сәт. Біз әлемдік бокс қауымдастығын бокстың отанында қарсы алып, жаңа мүшелердің қосылуын және жалпы осы спортты бірге тойлауға қуаныштымыз», —.- деді ол.
Жаңа мүшелерге алтын салтанат жүзігі Нью-Йорк штатының Канастота округінде өтетін ресми енгізу рәсімінде табысталады.
Еске салайық, 2 қазанда Халықаралық бокс даңқ залы (IBHOF) 2026 жылғы теңге жаңа мүшелеріне арналған бюллетеньдерді жариялаған еді. Сол тізімге Геннадий Головкиннің есімі енгізілген.
Фото: Ақорда
Чемпиондар лигасының плей-офф кезеңіне шыққан алғашқы бес команда анықталды
Ең көп оқылған
